Кечээ, 5-майда болуп өткөн Сөз эркиндиги форумунда “Аалам” партиясынын лидери Арслан Малиев менен “Жаңы муун” кыймылынын лидерлеринин бири Мавлян Аскарбековдун ортосунда кайым-айтышуу болуп өттү. Ага жыйындын башка катышуучулары да аралашып кетти.
Арслан Малиев: – Акыркы шайлоолорго катышып жүрүп көрдүк, шайлоо жүрө берет экен, бирок, акыркы жыйынтыгын бийлик өзү каалагандай чыгарып коёт экен. Биометрика системасын да көрдүк, аны кыргызчылык менен бузуп салышты. Ошондуктан эмки шайлоолорду электрондук добуш берүү менен өткөрбөсө таза шайлоо болбойт экен. Электрондук шайлоодо шайлоо кечки саат 8.00. дө бүтсө, жыйынтыгы 8.01. де көрүнүп турат…
Мавлян Аскарбеков: – Мен “Жаңы муундан” болом, ушул силер эски муун 25 жыл бийликте болдуңар, Кыргызстанды оңдой албадыңар, эми кетип калбайсыңарбы. Мен силерге жаңы муундун атынан кайрылат элем, кетип калгылачы, барып неберелериңерди баккылачы. Эми биз, жаңы муун башкаралы…
Замира Сыдыкова, “РесПублика” гезитинин башкы редактору (күлүп): -Мавлян, биз албетте силерди сыйлайбыз, бирок, биз да кетпей иштеп туралы, биздин да мамлекетке керегибиз бар…
Сапарбек Аргынбаев, (мурун Бакиев режимине, азыр Атамбаев режимине каршы күрөшкөн революционер – ред.): – Бир кезде Атамбаев кошоматчы чалдарды “акшакалдар” деди эле, азыр эми “акшакалдардан” “жаш шакалдар” коркунучтуу болуп калды. Шайлоодогу бузуку иштердин баарын жаштар жасап чуркап жүргөнүн көрдүк го. Добуш саткандар да, аны уюштургандар да жаштар болуп калды. Коррупциялык иштер менен да жаштар кармалып жатат. Жанагы СДПКдан депутат болгон жаштарды көрдүк го, дароо кошоматчыга айланышты. Азыр бийликке ушундай “жаш шакалдар” жулунуп жатышат, эгер алар бийликке келсе эмне болот? Ошондуктан азыр “жаш шакалдар” коркунучтуу болуп калды…
Нарын Айып, журналист: – Жаштар саясый күрөш, интеллектуалдык деңгээл, саясый атаандаштык жолу менен эски муунду акырындап сүрүп чыгарып олтуруп, бийликке келет, дароо эле бошотуп кой, мен келем деген болбойт.., – деди.
Булак: Кyrgyztoday.kg
Menu
ОКШОШ МАКАЛАЛАР
КОММЕНТАРИЙ КАЛТЫРУУ