“Элдик парламенттин” 17-майга белгиленген митинги кийинкиге жылдырылды. Бул тууралуу уюштуруучулардын бири Расул Умбеталиев журналисттерге билдирди. Буга чейин уюмдун өкүлдөрү 50 миңге чукул киши чогулуп, өлкөдө бийлик алмаша турганын айтып келишкен эле.
“Элдик парламент” уюму бир ай мурда түзүлгөн. Өткөн аптада алардын лидерлериники деген телефондук сүйлөшүүлөрдүн аудиосу интернетте тараган. Анда 17-майда Кыргызстанда бийлик кулатылары, өкмөт башчылыкка алардын өкүлү келери тууралуу сөз жүрөт.
Көп өтпөй УКМК бул уюмдун лидерлерине карата “бийликти күч менен басып алуу аракети” деген берененин негизинде кылмыш иш козгоп, камакка алган. Бирок “Элдик парламент” бийликтин кылганы мыйзамсыз экенин айтууда.
КОММЕНТАРИЙ КАЛТЫРУУ