Казакстанда жашы жете элек өспүрүмдөргө карата сексуалдык зордук-зомбулук көрсөткөндүгү үчүн соттолгон жарандар жөнүндөгү маалыматтардын онлайн-базасы жарыяланды. Бул туурасында өлкөнүн Башкы прокуратурасынын сайтындагы билдирүүдө айтылат.
Өткөн айда Казакстан бачабаздарды химиялык кастрациялоо боюнча мыйзам кабыл алган.
Көзөмөл орган бачабаздардын кайда жүргөндүгүн көзөмөлдөө жаңы кылмыштарды болтурбоого түрткү берерин билдирет. Бул үчүн ушул жылы жаш балдарга сексуалдык зомбулук көрсөтүп, кылмыш жоопкерчилигине тартылган жарандар каттоого алынып, алар туурасындагы маалыматтар топтолгон.
Бачабаздык үчүн соттолуп чыккандар жөнүндөгү маалыматтарды infopublic.pravstat.kz сайтынан алса болот. Бул жерде алардын аты-жөнү, жашаган даректери дагы камтылган.
КОММЕНТАРИЙ КАЛТЫРУУ