Аксы районундагы Суук-Дөбө жайлоосунда чагылган түшүп, андан 115 кой өлүп, дагы 30 кой дайынсыз болууда. Бул тууралуу Өзгөчө кырдаалдар министрлигинин Аксы райондук бөлүмүнүн башчысын Замирбек Дүйшөбаев билдирди.
Анын айтымында 16-июнда, саат 09:00-10:00дор чамасында Аксы районунун Ак-Суу айлынын тургундары Анарбек Уулу Жахангир жана Умар Жолдошбаев Шамалдуу-Сай шаарчасынын тургундарынын 600 баш койлорун Кашка-Суу жайлоосуна айдап бара жатышып, Суук-Дөбө жайлоосуна жетишкенде, ташка чагылган түшүп, 145 баш кой зоодон ыргып кеткен.
Анын ичинен 115 баш койду союп, кардын жарып алган, калган 30 баш кой белгисиз болууда. Союлган койлорду ээлерине ошол жерден таркатып берип, калган койлорду андан ары айдап кетишкен. Бирок, бул тууралуу бир дагы мамлекеттик органга маалымат беришкен эмес.
КОММЕНТАРИЙ КАЛТЫРУУ