Жогорку Кеӊештин Экономикалык жана фискалдык саясат боюнча комитетинде “Республика – Ата Журт” фракциясынын депутаттары тарабынан жеӊилдетилген насыя берүү аркылуу өлкөнүн айыл чараба тармагынын туруктуу өнүгүүсүн камсыз кылуу максатында иштелип чыккан мыйзам долбоору каралды. Бул тууралуу ЖКнын басма сөз кызматы билдирди.
Демилгечилердин бири депутат Бактыбек Райымкуловдун айтымында, азыркы шарттарда айыл чарба тармагынын жеӊилдетилген насыялапга болгон муктаждыгы өтө жогору, ошондон улам жеткиликтүү жана жеңилдетилген насыялоонун натыйжалуу механизмин түзүү зарыл. “Азык-түлүк тармагынын ишин жакшыртуу боюнча мамлекеттик колдоонун көрүлүп жаткан чаралары өндүрүүчүлөрүнүн муктаждыктарына дайыма эле шайкеш келе бербейт. Мындай кырдаал айыл чарбасынын өнүгүшүнө тоскоолдук кылууда”, – дейт ал.
Демилгечилер айыл чарбасы үчүн жеңилдетилген насыялардын төмөн пайыздык коюмун белгилөө боюнча сунуш кылынган чаралар айыл чарба өнүмүн өндүрүүнүн көлөмүн көбөйтүүгө, өлкөнүн азык-түлүк коопсуздугун камсыз кылууга, айыл калкын иш менен толук камсыз кылууга, калктын турмуш деңгээлин жогорулатууга түрткү берерин айтыт. Ошондон улам, демилгечилер дыйкандарга берилген насыяны 7 пайызга чейин төмөндөтүү сунушун киргизүүдө. Ал үчүн кошучакаражат керектелет.
Талкуу жүрүшүндө бир катар депутаттар насыя өлчөмүн 7 пайызга чейин төмөндөтүү демилсине карата каршы пикирин билдиршти. Алар каржы каатчылыгынын маалында мындай кадам тобокелчиликке алып келиши мүмкүн экенин айтат. Каржы министрлиги да ушу тапта мамлекет тарабынан айыл чарба багытындагы насыялар ансыз деле 10 пайыздык үстөгү менен берилип жатканын, анын чегин 7 пайызга чейин төмөндөтүүгө кошумча каржы булактары жок экенин билдирген.
Жыйынтыгында жандуу талкуу жараткан мыйзам долбоорунун концепциясы колдоо тапкан жок. Комитет мүчөлөрү демилгечилерге жеӊилдетилген насыялар боюнча баардык эсеп-кысаптар менен камсыз кылуу, ал эми насыяны дыйкандарга 20 пайыз менен берип жаткан банктарга мамлекет тарабынан ордун толтуруу үчүн берилип жаткан каражаттын катыштык айырмасынын так эсебин чыгаруу тапшырмасын берүү чечимине келишти.
КОММЕНТАРИЙ КАЛТЫРУУ