«Жарандык платформа» коомдук фонду «2016-жылы жергиликтүү кеңештерге шайлоолорду өткөрүүдө мамлекетке көмөк көрсөтүү» долбоорунун алкагында Швейцария өкмөтүнүн колдоосунда «Өз добушуңду сатпа» маалыматтык-агартуу өнөктүгүн шайлоо процессинин катышуучуларынын көңүлүн «Добуштарды сатуу» проблемасына буруу жана добуштарды сатып алуу үчүн жоопкерчиликти күчөтүү планында шайлоо процессинин жаңылыктары жөнүндө калктын маалымдарлыгынын деңгээлин жогорулатуу максатында баштайт.
Бул өнөктүк 2016-жылы күзүндө өтө турган жергиликтүү кеңештерге шайлоолордун алкагында өткөрүлөт.
Өнөктүктүн алкагында калкка шайлоо укугу маселелери боюнча консультациялык жана маалыматтык жардам көрсөтүү үчүн Бишкек жана Ош шаарларында 2 Маалыматтык Ресурстук Борбор (МРБ) ачылат. МРБнын базасында шайлоого тиешелүү бардык маселелер боюнча маалыматтык-укуктук жана усулдук база түзүлөт, ал шайлоо мыйзамдарына киргизилүүчү мыйзам долбоолорун баяндоону жана талдоону, жүргүзүлгөн изилдөөлөрдүн жана калкты сурамжылоонун натыйжаларын жана башка актуалдуу маалыматты камтыйт, ошондой эле МРБда жарандар, саясий партиялар, ЖМКлар үчүн окутуулар өткөрүлөт.
Мындан тышкары, шайлоо дайындалган учурдан тартып, МРБда жарандардын өздөрүн шайлоочулардын тизмесинен тактоо, шайлоо мыйзамдарын бузуу боюнча оперативдүү маалыматы топтоо боюнча жарандарга жардам көрсөтүү үчүн «Суроолор-жооптор» түз байланышы ишке киргизилет.
Маалыматтык өнөктүк өткөрүүнүн планына ылайык, Кыргызстандын бардык региондорунда жигердүү иш жүргүзүлөт, тактап айтканда өлкөнүн 40 районунда шайлоочуларды сатып алуу үчүн жоопкерчиликти катуулатуу, добуш берүүнүн эрежелеринин жана жол-жоболорунун өзгөрүүсү жана башка актуалдуу маселелер боюнча жаңылыктарды талкуулоо максатында активисттер менен маалыматтык жолугушууларды өткөрүү болжолдонууда.
Азыркы учурда Фонддун жетекчиси А.Усупбекова курамына кирген Кыргыз Республикасын туруктуу өнүктүрүү боюнча улуттук стратегияны (ТӨУС) аткаруу боюнча Жумушчу топ тарабынан КР мыйзамдарына өзгөртүүлөрдү киргизүү боюнча КР ЖК үчүн рекомендациялардын, ошондой эле саясий партиялардын, шайлоо комиссияларынын жана шайлоо процессинин башка катышуучуларынын шайлоочуларды сатып алгандыгы үчүн жоопкерчилигин күчөтүү боюнча рекомендациялардын пакети иштелип чыккандыгын белгилейбиз.
Өнөктүк өлкөнүн жети регионунда волонтерлордун катышуусунда шайлоочуларды сатып алууга каршы багытталган кеңири масштабдуу акцияларды, флэш мобдорду уюштуруу жана өткөрүү, калктын арасында КР мыйзамдарындагы өзгөрүүлөр, добуш берүү жол-жоболору, шайлоочулардын тизмесинен тактоо жана шайлоочуларды сатып алуу боюнча түшүндүрүү маалыматтары менен калк арасында маалыматтык-баяндуу материалдарды (буклеттерди, плакаттарды ж.б.) таратуу менен коштолот.
КОММЕНТАРИЙ КАЛТЫРУУ