Ээ, кыргызым! Каның неге ууланды?
Ким эрк берди, элди бузуп кууганды.
Гитлер сындуу “фашист катын” чыгыптыр,
“Сарт” дебегин каны бирге тууганды!!!
Ээ, кыргызым! Жек көрбөгүн бириңди!
Элди бөлбөй тыйып жүргүн дилиңди.
Түштүк элин бир туугандай көрөмүн,
“Сарт” деп турсаң кесип салам тилиңди!
Ээ, кыргызым! Түштүк сенин канатың,
Канатың жок кантип учуп барасың?
Кыргыз деген аппак шумкар көктөгү,
“Сарт” дегендин кудай берсин жазасын!
Ээ, кыргызым! Жок жоосунду баштадык,
Ооз ачырса душман кылып таштадык.
Баргандардын баарын сарт деп күнөөлөп,
Ак калпакка баткак чылап какшадык!!
Ээ, кыргызым! Кастык кылба элиңде!
Бакиев да эл башкарган жеримде.
Дин алдында баары аткарат милдетин,
Эл бөлгөндүн орду тозок элинде!
Ээ, кыргызым! Сарт дебегин кыргызды!
Тилиң менен уулабагын жылдызды.
“Сарт” дегендин өзүн накта сарт деймин,
Кечирип кой сартка айланган бир кызды!
Асейин Саралаев
КОММЕНТАРИЙ КАЛТЫРУУ