Регламентке ылайык, 1-сентябрдан тартып Жогорку Кеңеш өз ишин башташ керек болчу. Ооба, эки ай эс алган депутаттар ошол күнү жыйынга чогулушту.
Бирок өлкөбүздө эч кандай көйгөй жоктой, күн тартибине бир да маселе коюлбай, кайра эле 12 күнгө эс алууга тарап кетишти. Алардын бул жоругун уккан шайлоочулар эмне деп тилдешти да билбей отурушат. Себеби бир жактан Үңкүр-Тоону өзбек милициялары басып алып, кармап кеткен төрт жараныбыздын дайыны жок болуп жатса, экинчиден, кышка даярдык, кризиске белчесинен баткан экономика сыяктуу толгон-токой иштер бар. Көрсө, эл өкүлдөрү үчүн баарынан да Бүткүл дүйнөлүк көчмөндөр оюнуна катышуу маанилүү экен. Ооба, алардын баардыгы азыр Чолпон-Атада, Кырчын жайлоосунда оюндарды тамаша кылып, казы-карта жеп, С.Сигал сыяктуу дүйнө жылдыздарынын катарына отуруп, сүрөткө түшүп чардап жүрүшөт. Карапайым калк болсо тирүүлөй күйүп кеткен 14 кызыбызга аза күтүп, кара жамынып отурат. Ушундай мамилеси менен депутаттар жеке кызыкчылыгы мамлекеттен жогору турарын далилдеп, чыныгы жүзүн көрсөтүп коюшту. Балким, “күзүндө парламент тарайт”,- деген имиштердин чындыгы бардыр.
Булак: “Майдан.kg”
КОММЕНТАРИЙ КАЛТЫРУУ