Оппозиция октябрдын башында Бишкекте Конституцияга өзгөртүүлөрдү киргизүүгө каршы курултай жана жарандык форум өткөрүүнү пландап жатат. Бул тууралуу мурдагы парламент депутаты, иш-чаранын уюштуруучуларынын бири Равшан Жээнбеков билдирди.
Анын айтымында, оппозициялык күчтөр менен жарандык коом өкүлдөрү бийликти конституциялык реформаларды өткөрүү ниетинен баш тартууга чакырышат.
Ушул жылдын 29-июлунда парламенттеги 5 фракция Конституцияны өзгөртүү боюнча референдум өткөрүүнү демилгелеген. Жаңы Баш мыйзамдын долбоору коомдук талкууга чыгарылган.
Бийлик референдумду күзүндө өтчү жергиликтүү кеңештерди шайлоо менен чогуу өткөрүүнү сунуштаган. Оппозиция конституциялык реформаларга каршы болууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ