Ашхабадда полиция мамлекеттик дүкөндөрдөн чылым сатып алууну каалагандарды кууп таркатууга аргасыз болууда.
Цирк имаратынын жанында жайгашкан дүкөн саат сегизден тартып эле иштеп баштайт. Акыркы жолу сооданы полиция чакыруу менен токтотууга туура келди. Себеби чылым сатып алуу үчүн кезекке тургандар жаңжалдашып, бири-бири менен мушташа кетишти.
500дөн ашуун кишини полиция аран басты. Дүкөндө бир куту чылым 12 манатка бааланып, бир кишиге бирден пачка гана сатылып жаткан. Базарда болсо эң эле арзан чылымдын кутусу 42 манат, ал эми бир даанасы үч манат болчу.
Түркмөнстанда бир нече жумадан бери тамеки сатылбай жатат. Өлкөдө мамлекеттик эмес уюмдарга жана жеке жактарга чылым алып кирүүгө жана сатууга тыюу салынган. Бирок өкмөт өзү өлкөнү тамеки өнүмдөрү менен камсыз кыла албагандыктан, тартыштык пайда болуп, көмүскө базарда анын баасы күн санап өсүүдө.
Сентябрдын башында 1 АКШ доллары көмүскө базарда 5,5 манатка сатылып, ал эми сатып алуу 5 манатка бааланган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ