Баалуу азык
Бөдөнөнүн эти менен жумурткасы абдан баалуу диеталык азык. Бул тыпыйган кичинекей бөдөнө жумурткаларын балдар абдан сүйүп жешет жана анын балдардын рационунда болушу пайдалуу. Себеби, даамдуу азыктандыруучу бул жумурткалар эч убакта аллергия чакырбайт жана зыянсыз. Жада калса жумуртка каршы көрсөтүлгөндөргө да зыянын тийгизбейт.
Кандай дартка дабаа?
Япондордо бөдөнөнүн жумурткалары байыркы табигый дары болуп эсептелип келгени белгилүү. Бөдөнөнүн жумурткалары менен дарылоо дүйнөнүн бардык жеринде бар.
Ашказан оорулары, өзгөчө ашказан жарасы менен он эки ичеги карын карын жана гастрит оорусу
- Аз кандуулук
- Баштын катуу оорушу
- Өнөкөт өт оорулары
- Кургак учук
- Организмдин ар кандай зыяндуу радиациялардан сактайт
- Кан басымдын көтөрүлүшү жана түшүп кетиши
- Тамак сиңирүүнүн бузулушу
- Кан аздуулук
- Нерв системасынын бузулушу
- Аллергия
- ОРЗга болгон сезимталдуулук
- Жыныстык жактан күчтөндүрүү
- Боюнда бар аялдардын токсикозун кетирет
- Көздүн оорусун
- Белоктун өсүшүн өстүрө турган эң сонун каражат. Белок организмде 80% өздөшөт жана 10 даана колдонгондо да диатез чакырбайт
Айыктыруучу каражат кенчи
Бөдөнө жумурткалары – азыктандыруучу заттардын жана айыктыруучу каражаттардын кенчи. Тооктун жумурткасына салыштырмалуу бөдөнөнүн жумурткасынын бир граммында: А витамин-2,5 эсе, В1 витамини -2,8 эсе, В2 витамини-2,2 эсе көп. Бир жумуртканын салмагына барабар бөдөнөнүн беш жумурткасында фосфор менен калийдин өлчөмү беш эсе, темирдики төрт жарым эсе жогору. Ошондой эле башка пайдалуу заттардын да өлчөмү беш эсе жогору. Бөдөнөнүн курамындагы тиразин белгилүү болгондой, теринин сулуулугу үчүн кам көрөт. Ошондуктан аны косметикалык өндүрүштөрдө да көп колдонушат. Бөдөнөнүн жумурткасы адамга керектүү биологиялык топ болуп эсептелет.
Айлун БЕКТЕМИРОВА
Булак: Асман плюс
КОММЕНТАРИЙ КАЛТЫРУУ