Бүгүн, 29-сентябрда Украинанын Кыргызстандагы элчилиги мындан эки жыл мурун Украинанын асманында атып түшүрүлгөн Малайзиялык учакты россиялык «Бук» ракета-зениттик комплекси аткандыгын эл аралык комиссия далилдегендиги боюнча маалыматты кыргыз тилинде таратты.
“Малайзия аба жолдорунун” МН17 каттамындагы учагынын кыйроосун тергөө боюнча Биргелешкен эл аралык иликтөө тобунун өз иш-аракетинин алдын-ала жыйынтыгын элге жарыялоосуна байланыштуу Украинанын Тышкы иштер министрлиги 2016- жылдын 28-сентябрында төмөндөгүдөй мазмундагы билдирүүсүн жарыялады:
«Бүгүн Нидерланддардын жетекчилигинин астында жана Украина, Малайзия, Австралия, Бельгиянын катышуусу менен Биргелешкен тергөө топтун иш жүзүнө ашырылып жаткан МН17 рейсин атып түшүрүлүүсү боюнча кылмыш тергөөсүнүн алдын-ала жыйынтыгы жарыяланды.
Бул маалыматты элге жарыялоо биздин жалпы түпкү максатыбыздын багыты үчүн зор маанилүү учур болуп саналат – учакты атып түшүргөн бардык күнөөлүүлөрдү жоопкерчиликке тартуу. Бул каза болгон 298 адамдардын, алардын туугандарынын жана жакындарынын алдындагы биздин моралдык милдетибиз.
Кылмышты тергөөнүн алдын ала жыйынтыктары Нидерланд падышалыгынын транспорттогу Коопсуздук Кеңешинин өткөн жылдын октябрь айында элге жарыялаган техникалык отчеттун корутундусун аныктаганы эң маанилүү. Атап айтканда – учактын кулап түшүүсүнө «Бук» ракета-зениттик комплекстен атылган ракетада орнотулган күжүрмөн бөлүгүнүн жарылышы себеп болгон.
Ушуну менен бирге кылмыш тергөөнүн жүрүшүндө бул коркунучтуу трагедиянын себеби болгон бардык башка мүмкүн жоромолдору каралган жана жокко чыгарылган. Ушуну менен РФ тарабынан туура эмес же ойдон чыгарылган маалыматты таратуу аркылуу Биргелешкен тергөө топтун иш-аракеттерин жана тергөө жыйынтыктарынын беделин кетирүү үчүн жасалган бардык аракеттери акырына чыкты
Бүгүнкү докладдын жаңы жана зор маанилүү элементи – курал-жарактын Орусиядан Украина аймагына жеткирилип жана орустар менен алардын боевиктери контролдогон орус-украина чек-арасы аркылуу кайра чыгарылып кеткен маршруту жөнүндө маалымат
Бул дагы бир жолу агрессор-мамлекеттин учакты атып тушүрүүгө тикеден-тике тиешеси бар экендигин көрсөтөт. Жакын арада бул ишти тиешелүү сот инстанциясына өткөрүп берүү максатында айкын шектүү адамдарга, буйрук-команда тизмегине жана команда берүүлөргө карата тергөө азыркы учурда уланып жатат.
Албетте, Бириккен Улуттар Уюмунун Коопсуздук Кеңешинин алкагында эл аралык трибунал жаратуу эң эле натыйжалуу болмок. Бул идеянын эл аралык кең колдоосуна карабастан, Россия бир убакта БУУнун Коопсуздук Кеңешинин ошондой трибуналды жаратуу тууралуу резолюциясына вето салган жалгыз өлкө болгон. Ушуга байланыштуу тергөөгө катышкан өлкөлөр кыйроого күнөөлүүлөрдү жоопкерчиликке тартуу механизмдерин аныктама боюнча иш-аракеттерин улантып жатышат.
Украина башка катышы бар төрт өлкө менен бирге Биргелешкен тергөө тобуна мындан ары ар тараптуу колдоо көрсөтөт жана кылмышты тергөөгө бардык мүмкүн болгон жардамын берет.
Анын ийгиликтүү аяктоосу үчүн БУУнун Коопсуздук Кеңешинин 2166 (2014)- резолюциясында каралган мындан ары эл аралык коомдун колдоосу жана өлкөлөр тарабынан кызматташтыгы керек.
Биз бардык өлкөлөрдү кылмыш тергөө чектеринде активдүүлүк менен биргелешип иштөөгө чакырабыз. Орусия да, акыры, эл аралык коомдун кысымы менен БУУнун Коопсуздук Кеңешинин 2166- резолюциясын жана өзүнүн эл аралык милдеттенмелерин аткарат деп күтөбүз.
Кремлдин Голландиялык прокуратуранын корутундусун жаңылыш катары көрсөтүү жана Украина тарабынан МН17 кыйроосунун далилдерин окшотуп жасоо боюнча риторикасы Орусия Федерациясынын эл аралык коомдун көз алдында Украинанын беделин кетирүү жана бардык каражаттардын жардамы менен бул кыйроодогу өзүнүн уюштуруучу, көмөкчү анык ролунан алаксытуу үчүн дагы бир кезектеги аракети болгондугун Элчилик баса белгилегиси келет.
Украинанын Кыргызстандагы элчилиги
КОММЕНТАРИЙ КАЛТЫРУУ