Улуу Британиянын премьер-министри Тереза Мэй өлкөнү Евробиримдиктен чыгаруу жараяны формалдуу түрдө 2017-жылдын соңунда башталарын билдирди. Мэйдин Би-Би-Сиге берген маегине караганда, Лиссабон келишиминин 50-беренесинде көрсөтүлгөн процедуралар эң эле кеч дегенде мартта башталышы керек.
Макулдашууга ылайык, Европа биримдигине мүчө 28 өлкөнүн бири уюмдан чыгып кетүүнү кааласа, ЕБ менен эки жылдык сүйлөшүү жараянын жүргүзүшү керек.
Лиссабон келишимине 2017-жылдын 13-декабрында Лиссабондогу саммитте кол коюлган. Ал ЕБнын күчүнө кире элек Конституциясынын ордун алмаштырган. Ошондой эле ЕБнын башкаруу системасын реформалоо максатында биримдик тууралуу ошол кездеги келишимдерге өзгөртүүлөр киргизилген.
Италия премьер-министр Маттео Ренци Би-Би-Сиге берген маегинде, брекзит ЕБдагы башка өлкө жарандарына караганда, британдыктарга көбүрөөк укук берчү келишим менен аяктабай турганын билдирди. Бул туурасында Улуу Британияны ЕБ өлкөлөрүнүн лидерлери жана Евробиримдиктин чиновиктери бир нече сапар эскерткен.
Буга чейин премьер-министр Тереза Мэй “1972-жылдагы европалык коомдоштук” жөнүндөгү мыйзамды жокко чыгарууну убадалаган. Документте Улуу Британияда Европа биримдигинин мыйзамдары үстөмдүк кылары белгиленген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ