Орусия президенти Владимир Путин Сириянын аймагына орусиялык авиатопту мөөнөтсүз жайгаштыруу боюнча келишимди ратификациялады. Бул тууралуу РИА Новости Кремлдин басма сөз кызматына шилтеме берүү менен билдирди.
Буга чейин документти Мамлекеттик думанын депутаттары жана Федерация Кеңешинин мүчөлөрү да колдоп берген.
Келишимде авиабаза Латакиядагы Хмеймим аэродромуна Дамасктын өтүнүчү менен жайгашканы айтылган. Авиабазанын аймагы жана инфраструктурасы Орусияга мөөнөтсүз негизде колдонууга берилет.
Федерация Кеңешинин эл аралык комитетинин башчысы Сирия менен түзүлгөн келешим үчүнчү өлкөлөргө багытталбаганын жана коргонуу мүнөзүнө ээ экенин баса белгиледи. Коргонуу жана коопсуздук комитетинин төрагасы Виктор Озеров авиатопту жайгаштыруу менен Орусия Сириядагы абалды турукташтырууга “конкреттүү салым кошуп” жатканын айтты.
Келишимди ратификациялоо боюнча мыйзам долбооруна өткөн жылы кол коюлган. 2016-жылдын август айында документ президент тарабынан Мамлекеттик думага жолдонгон.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ