Кечээ, “сөз эркиндигин коргоо комитети” уюштурган саясий туткундар тууралуу жыйындан кийин журналист Дайырбек Орунбеков ММКларга маек берип жатып, тероризмге тийешеси бар деп айыпталган экс-депутат Максат Кунакунов тууралуу буларды айтты:
– Мен Максат Кунакуновдун терроризмге канчалык тийешеси бар же жоктугун билбейм, бирок жакшы билем ал камакка алынаар алдында Атамбаевдин бийлигин катуу сынга алып, ага каршы активдүү күрөшүп жүргөн. Мага анын туугандары байланышка чыгып, ага карата зулумдук болуп жатканын айтышты. Анын күнөөсү далилдене элегине карабай, колу бутун темир чынжыр менен байлап, башына мешок кийгизип, иттер менен тегеректетип алып сотко алып келип жатыптыр. Анын камакка алынганына канча убакыт өттү, бүгүнкү күнгө чейин үй бүлөөсүн жолуктура элек экен. Азыр бийликти сынга алгандарга ар кандай айып тагылып, түрмөгө камалып жатат. Өлкөдө репрессия жүрүп, куугунтук күчөдү,-дейт Орунбеков.
КОММЕНТАРИЙ КАЛТЫРУУ