БУУнун Йемен боюнча атайын чабарманынын айтымында, бул өлкөдө 72 сааттык элдешүү мөөнөтү киргизилди. Буга жаатташкан бардык тараптар макул болушту. Исмал Улд Шейхтин билдиришинче, ок атышууну токтотуу режими 18-октябрда, түн жарымында күчүнө кирет жана муктаждарга гуманитардык жардам жеткирүүгө жол ачылат.
Йемен бийлиги кабарлагандай, элдешүү мөөнөтү дагы узартылышы ыктымал.
Президент Абд-Рабби Мансур Хади баштаган куугунтукталган өкмөт Таизге гуманитардык жардам жеткирүүнү сурады. Бул аймактын көпчүлүк бөлүгү хусит-көтөрүлүшчүлөрүнүн курчоосунда, алар Йемен шаарын 2014-жылы басып алган. Өкмөттүк күчтөр Таизге бара турган жолдун төрттөн бирин гана көзөмөлдөйт. Мурдагы президент Али Абдаллы Салехтин тарапташтары болгон хуситтерди Иран колдойт. Өлкө түндүгүнүн жарымы алардын колунда.
Сауд Арабия колдогон Хади күчтөрү болсо Йемендин калган бөлүгүн жана жергиликтүү урууларды көзөмөлдөп турат. БУУнун эсебинде, жаңжал башталгандан бери 10 миңдей киши өлдү, алардын 3800ү жай тургундар.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ