Орол шаардык соту полициячы Даниар Ракишевдин ”Орол жумалыгы” гезитинин редактору Тамара Еслямовага карата жазган доо арызын жарым-жартылай канааттандырды.
Сот моралдык зыян үчүн конпенсация иретинде тарип сакчысына үч жарым миллион теңге төлөп берүү чечимин чыгарды. Анын эки миллиону “Журналисттик демилге” уюмунун, бир жарым миллиону редактордун мойнуна илинди.
Полициячы болсо доо арызында жалпысынан 10 миллион теңге сураган. Тартип сакчынын пикиринде, редактордун ”Ракишев сыяктуу майорлор эмнеден коркушат?” деген макаласы анын абройуна шек келтирген.
Журналист Оролдо жаздагы жер реформасына байланыштуу акцияда журналисттер массалык түрдө кармалгандан кийин, майор Ракишев андан кечирим сураганын жазган. Тартип сакчысы муну четке кагууда.
Тамара Еслямова соттун чечимине макул эмес, жогорку инстанцияга доо арыз менен кайрылат.
“Орол жумалыгы” гезити журналисттер тарабынан түзүлгөн. Басылма Батыш-Казакстан облусунда бийликти сындаган материалдары менен белгилүү. Гезитке доо арткан арыздар байма-бай түшүп турат.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ