Сирия Крымды Орусиянын бир бөлүгү катары тааныды. Бул тууралуу парламент өкүлү Хадия Аббас билдирди деп кабарлады РИА Новости.
“Биз Крымды Орусиянын ажырагыс бир бөлүгү деп тааныйбыз”—деди Хадия Аббас. Ал Сирия менен Орусиянын ортосундагы мамиле келечектүү жана стратегиялуу экенин баса белгилеп, тараптар саясий, экономикалык, социалдык жана консулдук багыттарда кызматташтыкты өнүктүрүү ниетинде экенин билдирди.
Сирия парламентинин өкүлү Крым Советтер Союзунун бир бөлүгү экенин, кеңеш доору ураган соң, элдин каалоосу менен референдум аркылуу учурда бул субъект өз башатына кайтканын айтты.
“Алар өз өлкөсү менен биригүүнү каалашты. Мына ошол тилек аткарылды!” — деди Хадия Аббас.
Крым Украинадагы төңкөрүштөн кийин өткөн референдумдун жыйынтыгы менен орусиялык аймак болуп калган. Орусияга кошулуу үчүн жарым аралдагы шайлоочулардын 95%“макул” деп добуш берген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ