Эсиңерде болсо, Бишкек шаардык соту Ахматбек Келдибековдун кылмыш ишине байланыштуу 10 миллион сом айып пул катары салган болчу. Аз күн мурун Жогорку сот ал чечимди күчүндө калтырып, соттолуучу тарапты нааразы кылды. Бирок, духу күчтүү Ахмат мырза майтарылбаганын, муну менен эле башы жерге шылкыйып калбастыгын, ошого катар саясаттан кетпей турганын билдирүүдө. Буга чейин «Келдибеков тымызын бийлик менен сүйлөшүп, ортомчулар аркылуу маселе чечүүдө» деген аңыз кептер чыккан. Эгерде андай «соодалашуулар» болсо акталып чыкмак да. Кыскасы, Жогорку соттун соңку чечиминен кийин экс-спикер бийликке карата чындап түнөрүп, келечек тагдырын таразалап атса керек.
Булак: Азия Ньюс
КОММЕНТАРИЙ КАЛТЫРУУ