Конституцияны өзгөртүү зарылдыгын жактап келген “Өнүгүү-Прогресс” фракциясынын лидери Бакыт Төрөбаевдин учурдагы позициясы коомчулуктун эле эмес, бийликтин да көңүлүн бурууда. Дегенибиз, “Өнүгүү-Прогресс” фракциясынын өзгөртүүлөрдү шашылбастан, мыйзамга ылайык жол-жобо тартибин бузбай кабыл алалы деген позициясы Бакыт Төрөбаев чечүүчү учурда ойт берди деген жоромолду жаратты. Акыл калчаган кишиге өзгөртүүлөрдү мыйзамды бузбай кабыл алалы дегенден кыйкым издөө логикага сыйбасы көрүнүп турат. Анткени мыйзамды туу тутканы менен «Өнүгүү-Прогресс» келечеги кең партия экенин айгинелөөдө. Бирок таскагы катуу чыгып жаткан партияны шылтоого шынаа таппай тургандар эми аксатуу амалын көрүшөөрү бышык. Бирок колдоочулары калың партияны кысымга алуу оңой болбосо керек… Ичтен бөлүп-жаруу аракети көрүлгөн күндө да ынтымагы бекем фракция ага моюн бере койбойт.
Булак: Фабула
КОММЕНТАРИЙ КАЛТЫРУУ