Жаңы коалиция түзүлгөнү менен өкмөттө олуттуу өзгөрүүлөр болбойт деген кеп желдей тараган. Өкмөт башчысы ордунда калып, өкмөттө үч министр, Мамлекеттик коргоо иштери боюнча комитеттин жана Мамлекеттик чек ара кызматынын башчысынын алмашуусу күтүлүп жатат. Ал эми өкмөттүн жогорку жетекчилиги мурдагы курамында калат. Башкача айтканда, Билим берүү жана илим министри Эльвира Сариева, Юстиция министри Жылдыз Мамбеталиева, Саламаттыкты сактоо министри Талантбек Батыралиев, мамлекеттик чек ара кызматынын төрагасы Абдикарим Алимбаев, Мамлекеттик коргоо иштери комитетинин башчысы Марат Кенжесариевдердин кызматтан кетиши күтүлүүдө. Калган өкмөт мүчөлөрү өз ээлеген кызматтарында калышат. Ошондой эле Энергохолдинг кайра министрлик болуп түзүлүшү мүмкүн экени айтылууда.
Булак: Фабула
КОММЕНТАРИЙ КАЛТЫРУУ