Казакстанда Кайрат Абдрахманов тышкы иштер министри болуп дайындалды. Бул тууралуу өлкө президентинин басма сөз кызматы билдирди. Кечээ Нурсултан Назарбаевдин жарылыгы менен “башка кызматка өткөндүгүнө байланыштуу” Ерлан Идрисов ТИМ башчылыгынан бошотулган.
Абдрахманов буга чейин Казакстандын БУУдагы элчиси болгон.
Ерлан Идрисов 2012-жылдан бери тышкы иштер министринин кызматын аркалаган.
Улуттук экономика министрлигине Казакстандын Экономикалык жана финансылык саясат боюнча коллегиясынын мурдагы мүчөсү Тимур Сулейменов дайындалды.
Буга чейин аталган кызматты Куандык Бишимбаев жетектеген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ