Кыргызстандык маданий ишмерлер соңку 20 жылдан бери алгач ирет Өзбекстанга бир апталык турне жасап жатышат. Оштогу Бабур театрынын артисттери бүгүн, 10-февралда коңшу өлкөгө жөнөп кетишет. Бир апта ичинде Анжиян, Наманган жана Фергана шаарларында “Айкөл Манас” спектаклин тартуулашат.
Топтогу 46 адамдын бардык чыгымдарын өзбек өкмөтү көтөрүп жатканын аталган театрдын директору Набижан Мамажанов билдирди.
2016-жылдын соңунда Өзбекстандын өкмөттүк делегациясы Ошко сапар жасаган учурда вице-премьер-министр Адахам Икрамов Ташкент Бабур театрына 50 миң доллар жардам берерин айткан.
Оштогу Бабур өзбек драм театрында 160 адам иштейт. Анын 70и чыгармачыл курам. Арасында эки эл артисти, 11 эмгек сиңирген артист бар.
Кыргызстан менен Өзбекстандын мамилеси былтыр күздөн тарта калыбына келе баштаган.
Булак: “Борбор Азия жаңылыктар кызматы“
КОММЕНТАРИЙ КАЛТЫРУУ