АКШнын аба соккуларынан Сириянын түндүк-батышында «Аль-Каида» террордук уюмунун лидеринин орун басары Ахмед Хасан Абу аль-Хайр аль-Масри өлтүрүлдү. Бул тууралуу SITE сайты билдирүүдө.
Дүйшөмбүдө Пентагон Сириянын аталган аймагына аба соккуларын жасаганын ырастады.
The Guardian басылмасынын маалыматы боюнча аль-Масри 26-февраль, жекшемби күнү өлтүрүлгөн. Бул маалыматты идеологиясы жагынан «Аль-Каидага» жакындыгы бар жана буга чейин аль-Масри курамында иштеп жүргөн “Жебхат Фатх аш-Шам» тобу, ошондой эле башка жихад топторунун айрым лидерлери да ырасташты.
Январда Пентагон аба соккулардан “Аль-Каиданын” эки лидери – Мохаммад Хабиб Буссадун аль-Туниси менен Абд аль-Жалиль Аль-Муслими өлтүрүлгөнүн кабарлаган.
Булак: Борбор Азия жаңылыктар кызматы
КОММЕНТАРИЙ КАЛТЫРУУ