Айбек Азыранкулов бийликтен көңүлү калып, айылга баса берди

Кезегинде айыл өкмөтүнөн түшүп калып, ызасы менен андагы оппозициялык КСДП катарына кошулуп, депутат болуп багы жанган Айбек Азыранкулов да бийлик алмашканы ооматтын төрүндө жүргөнсүгөн. Баарын батырган Чүй об­лусун башкарып, кийин министр да болгон жайы бар. «Үн чыкпас» чиновниктин соңку эки жылдан бери саясый айдыңда аты-жыты чыкпай кетти эле, себебин сураштырсак, «түйүнчөгүн түйүп» бийликтеги партиялаштарына таарынган тейде кичи мекенине баса бергени каңкууланды. Кыйын күндөрдө Атамбаев жана анын КСДПдагы арка-бел болушкан дал ушул Айбек Азыранкулов, Сагынбек Абдрах­манов, Дамира Ниязалиева баштаган эл өкүлдөрү бүгүн хан ордодогу «билермандар» тарабынан четке сүрүлүп, бийликчил партиянын Мээрбек Мискенбаевге окшогон «жүгүрүктөргө» күнү түшсө, бүгүнкү бийликтин абалы кандай деңгээлде экенинен кабар береби?

Булак: “Азия ньюс”