Өзбекстан президенти Шавкат Мирзиёев Түркмөнстандын Чарджоу шаарында Ислам Каримовдун мемориалдык комплексинин ачылышына катышат. Мындан тышкары эки өлкөнүн башчылары өзбек-түркмөн мамилелерин талкуулап, эл аралык жана аймактагы олуттуу маселелер боюнча пикир алышат.
Стратегиялык өнөктөштүк келишимине кол коюлары да күтүлүүдө.
Бул Шавкат Мирзиёевдин президент катары алгачкы чет өлкөлүк сапары болот. Ошол эле маалда үчүнчү мөөнөткө президент болуп шайланган Гурбангулы Бердымухамедов үчүн дагы Мирзиёев алгачкы жогорку даражадагы конок болмокчу.
Өзбекстан президенти Шавкат Мирзиёев менен Түркмөнстан президенти Гурбангулы Бердымухамедов 14-февралда телефон аркылуу сүйлөшүшкөн.
Булак: Борбор Азия жаңылыктар кызматы
КОММЕНТАРИЙ КАЛТЫРУУ