Москванын Большой Москворецкий көпүрөсүндөгү Борис Немцовдун элдик мемориалын “Гормост” ишканасынын кызматкерлери кайра талкалап кетишти. Оппозициячыл саясатчы өлтүрүлгөн жерде дүйшөмбүгө караган түнү бардык гүлчамбарлар жана портреттерди чогултуп кетишкен.
Мемориалда “Гормостун” кызматкерлери күзөткө турган активисттердин колдорун кайрып, көпүрөдөн түртүп жиберерин айтып коркутканы айтылууда.
Борис Немцовдун элдик мемориалынын алдында кезектеги талоончулук болгонун “Тилектештик” кыймылынын мүчөсү Надежда Митюшкина тастыктады.
Марттан бери бийлик элдик мемориалды алып таштоо боюнча бир нече жолу аракет жасады. 27-февралда болсо ал жакта алты киши кармалган, “Гормостун” кызматкерлери Борис Немцовдун элесине арналып коюлган бардык гүлдөрдү алып кетишкен.
Борис Немцов 2015-жылы 27-февралда Большой Москворецкий көпүрөсүндө атылып өлтүрүлгөн. Демилгечил топ саясатчы кайтыш болгон жерге эстелик тургузууга аракет жасап келет, бирок Москва бийлиги баш тартууда.
Булак: Борбор Азия жаңылыктар кызматы
КОММЕНТАРИЙ КАЛТЫРУУ