Анжиян облусунун Асака районундагы мектептерде окуучулардан лимон күнөсканаларын куруу үчүн 5 миң сумдан (1,5 АКШ долларына жакын) чогултулууда. Бул туурасында балдардын ата-энелери кабарлашууда. Райондун элдик билим берүү бөлүмдөрү болсо түшүндүрмө берүүдөн баш тартып жатышат.
“Менин балам 1-класста окуйт. Мектептеги акча чогултуулар тажатты. Эми президент айткан лимон күнөсканаларын куруу үчүн каражат талап кылып жатышат. Мугалим 5 миң сум берүү тууралуу баламан кат берип жибериптир. Лимон күнөсканалары эмне себептен ата-энелердин эсебинен курулушу керек деп таң калып жатабыз”, – деп нааразы болду Асака районунун тургундарынын бири.
Райондогу башка бир окуучунун ата-энеси акыркы айда мектепке Алиппе майрамын белгилөө үчүн 55 миң сум (16 АКШ долларынан ашык) бергенин, андан тышкары ай сайын фонд үчүн 7 миң сумдан (2 АКШ доллары) төгөрүн белгиледи.
Буга чейин Өзбекстандын Анжиян облустук акимчилиги мектеп жана бала бакчалардын жетекчилерине окуу жайлардын аймактарына лимон өстүрүүнү тапшырганы кабарланган. Демилге жашылча-жемиш экспортунун көлөмүн көбөйтүү зарылдыгына байланыштуу экени маалымдалган.
Булак: Борбор Азия жаңылыктар кызматы
КОММЕНТАРИЙ КАЛТЫРУУ