Журналист вице-премьер Жеңиш Разаковдон сурап калат:
-Жениш агай, сиз «таз тарангыча той таркайт» деген макалга кандай карайсыз?
-Ой, бул деген бир көк мээнин чыгарган макалы. Акаев баргыча кайсы той тарап кетчү эле? Элдин баары баштабай күтүп олтурчу эмес беле же Горбачевду элестетсеңер? Болбогон макал да. Мына азыр дагы тойго барам, баары менсиз баштабай күтүп олтурушат.Так что, сен дагы бул макалга ишенбей жүр – деп жөнөп кетиптир.
* * *
-Журналист Бишкек шаарынын мэри Албек Ибраимовго кайрылат:
-Жолдош Албек мырза, сиз шаардагы гезит саткан базар менен күркөлөрдү шаар четине чыгарыш керек деген ойду баштап жатыптырсыз, буга кандай түшүнсөк болот?
|- Буга мындай түшүнгүлө, гезит деген кагаз, ага тамеки түшүп калса эмне болот? Өрт чыгат. Өрт чыкса шаар ичинде 20-30дай АЗС бар, алар от алат. Алар от алса шаар эмне болот? Бирдемени айтаардан мурун ушуну ойлонсоңор боло. Мен деген шаардыктардын аман-эсендигин тилеп ушундай кадамга барып жатам – деп жообун бүтүрүптүр.
* * *
Кубанычбек Жумалиев Камчыбек Жолдошбаевге кайрылып калат:
-Камчыке, кийинки күндөрдө аябай көңүлдүү болуп калдыңыз? Секретин бизге деле айтсаңыз?
-Кубанычбек, өткөндө билесиңби баарыңардын алдыңарда айтпадым беле, ушул жерде отурган депутаттардын акчасынын баарын чогултсак да миллиардга жетпейт деп. |
-Ооба, ооба. Ошондон кийин бул жердеги байлар кезекке турушуп,күндө бирөө сыйлап жатпайбы. Ой-тоону сүйлөбөй кезекке жазыл – дептир Камчыкең.
* * *
Турсунбек Акун өткөн 5-чакырылыштын депутаты Болот Шерден сурап калат:
-Ой, Боке, Өмүрбек Бабанов премьер-министр болуп турганда «ок жибергениңди» билчү элем, ошонуңдун аягы эмне менен бүттү эле?
-Бабановго жиберген ок да өзүмдө калган. Ок да жок, бирөө уурдап кеткен окшойт… Аны эмне кыласың, өзүңдүн бомбаларың эмне болду эле?
-Ой, менин бомбаларым кытайдыкы окшойт, жардыргыча дат басып, чирип кетпедиби – деп санын чаап каткырган экен кайран Турсунбек.
* * *
Саламаттык сактоо министри Талантбек Батыралиев Жогорку Кеңеште:
-Дары-дармек тармагыбыз 20 жыл ичинде жеке менчикке өтүп кеткен, эч кимге баш ийишпейт, баш ийдиргенге закон жок – деп депутат Осмонбек Артыкбаевди караса, Осмонбек шашып кетип:
-“Неман”, “неман”, ой кечиресиздер, неге мени карадыңыз? – деп мурчуңдаптыр.
Булак: “Фабула”
КОММЕНТАРИЙ КАЛТЫРУУ