Саясат күч ала баштаганы зэски чиновниктер менен карт бөрү саясатчылардын да санаасы бузулгандай. Улам бири ар кайсы саясий күчтүн артынан караанын калдайтып көрүнтүүдө. Кубатбек Байболов деген аксакал саясатчы эбак «критке» кетпеди беле. Бир учурда Өмүрбек Текебаев менен бир командада эле. Кийин негедир ал тараптан да оолактап кеткен. Бирок акыркы кезде массалык маалымат каражаттарына маек берип чыгып калып атат. Балким кайрадан саясатка аралашуу оюнда барбы деп калдык… Арийне саясаттын сазы деген кыйын экен го, качан болсун сормосуна тартып туруп алат тура. Эски досу Текебаевчесинен ал да «Мегаком» чуусу менен саясаттан четтеген. Эми болсо «менде Мегакомдун бир топ фактылары бар» деп божураптыр. Ар кайсынын башын бир чалып, саясий соодага айлантпай эле айтчусун айтып албайбы? Кызык, саясаттан бир кеткендер ошону менен тынч жүрүшсө ээ. Ушулар мамлекет тагдырын калчап олтурганда эле эл жыргап кетти беле?
Булак: “Де-факто”
КОММЕНТАРИЙ КАЛТЫРУУ