“Көчүгүн көтөрбөгөн” Сарыбашевди көргөндөр барбы?

Кызматка жеткенче оозун толтура убада берип, бирок иш жүзүндө колунан кокон тыйын келбеген жетекчилер биздин гана өлкөдөн пачкелеп чыгарылат. Алардын бири Ош областынын губернатору Таалайбек Сарыбашев. Бул мырза өз моюнундагы жоопкерчиликти түк сезбей келет. Бакандай бир областты жетектеп олтурса дагы аны эч ким тааныбайт. Ош шаарынын өзунөн эле көчө аралап жергиликтүү элге: «Учурда Ош областында губернатор ким?» деген суроону берсеңиз, токтоосуз «Айтмамат Кадырбаев»,- деп жооп беришет. Анткени Сарыбашев Ош облусун бир гана Ош шаары менен чектеп алганы анык. Аймактарды, райондорду жеринде кыдырып, эл менен баарлашуу түк оюна келбейт. Өйдө турса эле креслосун ким бирөө ээлеп кетчүдөй болуп кабинетинен чыкпайт. Ага караганда мэр Айтмамат Кадырбаев өз милдетин аткаруу аракетинде. Сарыбашев болсо жергиликтүү элдин көйгөйүн чечүүнүн ордуна кантип дагы кызматтан жогорулаш керектиги менен баш оорутуп аткандай.

Булак: “Де-факто”