Белгилүү өзбек ырчысы Мардон Мавлон атактуу тажик аткаруучусу Афзалшох Шоди менен биргеликте Дүйшөмбүдө концерт берет.
Анда Мардон Мавлондун тажик жана өзбек тилдериндеги ырларды аткара тургандыгы күтүлүүдө. Ал Тажикстанга Нооруз майрамына карата Өзбекстандын искусство ишмерлери менен биргеликте барган.
Өзбек аткаруучусу 21-мартта Ооганстан жана башка бир катар өлкөлөрдөн келген ырчылар менен биргеликте Турсунзаде шаарындагы Нооруз майрамына карата уюштурулган салтанатта ырдаган. Ал Тажикстан менен Өзбекстандын маданий ишмерлеринин бул сыяктуу биргелешкен концерттер менен чыгармачыл кызматташуулары салтка айланып, коңшу өлкө элдери ынтымакта жана тынчтыкта жашайт деген үмүтүн билдирди.
Самарканддык ырчы Мардон Мавлон Тажикстанда популярдуу аткаруучулардын бири. Дүйшөмбү менен Ташкенттин мамилеси бузулганга чейин ал Тажикстанга байма-бай каттап, расмий иш-чараларда гана эмес, жергиликтүү жашоочулардын тойлорунда да ырдап келген. Акыркы жолу ырчы Тажикстанга концерти менен 2003-жылы барган.
Булак: Борбор Азия жанылыктар кызматы
КОММЕНТАРИЙ КАЛТЫРУУ