Тажикстан президентинин тун уулу, Дүйшөмбү шаарынын мэринин милдетин аткаруучу Рустами Эмомали шаардык мажлис үчүн өткөн шайлоодо жеңишке жетишти.
Дүйшөмбү шаарынын шайлоо комиссиясы билдиргендей, №25 шайлоо округунда Рустами Эмомали үчүн шайлоочулардын 84,8 пайызы добуш берди. Анын атаандаштары – Демократиялык партиядан Хикматулло Саидиён менен Агрардык партиядан Фазлиддин Икромов 2,63 жана 7,81 пайыз добуш топтошту.
Дүйшөмбүнүн №25 жана №62 шайлоо округдарында шайлоо 2-апрелде өттү.
Рустами Эмомали 12-январда Тажикстан президентинин жарлыгы менен Дүйшөмбү шаарынын мэри болуп дайындалган. Ага чейин борбор калаанын администрациясын 19 жыл бою Махмадсаид Убайдуллоева жетектеп келген.
Рустами Эмомали расмий түрдө шаардык мажлистин депутаты болгондон кийин ал президенттин жарлыгы менен Дүйшөмбүнүн толук кандуу мэри болуп калат. Учурда өлкө башчынын уулу – Дүйшөмбү шаарынын төрагасынын милдетин аткаруучу.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ