Дүйшөмбү-Ташкент аба каттамынын үзгүлтүккө учурашында саясий себептер жок. Бул тууралуу Өзбекстандын Тажикстандагы элчилиги билдирди. Элчиликтен кабарлашкандай, 4-апрелге белгиленген учуу документтерге байланышкан айрым маселелерге байланыштуу ишке ашпай калган.
Өзбекстандын Тажикстандагы элчиси Шокасым Шоисламовдун айтымында, билет сатуу, Ташкентте “Сомон Эйр” авиакомпаниясынын кеңсесин ачуу боюнча маселелер бар.
“Өзбекстан аба жолдору” авиакомпаниясынын жетекчилиги ушул жумада каттамды ачуу үчүн тиешелүү документтердин топтому даярдала турганын билдирди. Ташкент-Дүйшөмбү багыты боюнча кийинки учуу 11-апрелге белгиленүүдө.
Бул арада 5-апрелде Ташкентке Тажикстандын Транспорт министрлигинин жана “Сомон Эйр” авиакомпаниясынын өкүлдөрү келип, Өзбекстандын авиациялык бийлиги менен сүйлөшүүлөрдү өткөрүшөт.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ