Чет элдеги этникалык корейлерге бериле турган “Н2” визасын алдоо жолу аркылуу алган деген жүйө менен Түштүк Кореяда төрт кыргызстандык соттолуп жатат. Аларга “мыйзамсыз виза алган” деген беренеге ылайык кылмыш иши козголгон. Эске сала кетсек, быйыл Кыргызстанда Түштүк Кореяга кетүүнү каалаган адамдардын аты-жөнүн корейче өзгөртүп, жасалма документтерди бергендерге кылмыш иши козголгон болчу. Кыргызстандын Кореядагы элчилигинин консулу Нурзат Саякбай кызы маалымдагандай, виза алгандар Түштүк Кореяга 2015-жылы барган. Алар этникалык корейлерге берилчү визаларды текшерүү боюнча рейдде кармалып, камалган. Алдын ала маалымат боюнча кармалган кыргызстандыктар депортация болушу ыктымал. Расмий маалымат боюнча Түштүк Кореяда каттоодо турган кыргызстандыктардын саны 4 миңден ашуун.
Булак: “Фабула”
КОММЕНТАРИЙ КАЛТЫРУУ