Түркиядан алынып келген ISUZU маркасындагы 40 автобус 15-апрелде, шаар күнүндө Дүйшөмбүнүн көчөлөрүндө жүрө баштайт. Мэриядан кабарлашкандай, бул күнү автобустар жүргүнчүлөрдү бекер тейлейт.
Түркиядан келген автобустардын ар бирин Тажикстан 85 миң еврого сатып алды. Буга чейин Дүйшөмбү мэриясы Орусия өндүрүшүнөн чыккан автобустарды 125 миң еврого сатып алган эле.
Жаңы автобустарга видеокөзөмөл орнотулган. 40 автобустан турган колонна Түркиядан күн мурун келди. Жаңы унааларды тажикстандыктар өткөн аптада эле күтүшкөн, бирок алар Иран чек арасында бир нече күн кармалып калган. Тажикстанга Түркиядан жалпысынан 64 автобус келет.
Мындан тышкары жакынкы үч ай аралыгында Дүйшөмбүдө коомдук унаалар үчүн төлөмдөрдү электрондук түрдө жүргүзүү системасы киргизилет.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ