Түркияда миңдеген жарандар референдумдун жыйынтыгына, анын ичинде президенттин ыйгарым укуктарынын кеңейишине каршы Стамбул көчөлөрүндө нааразылык марштарын өткөрүштү.
17-апрель күнү кечинде Стамбулдун европа бөлүгүндө миңден кем эмес жашоочулар митингге чыгышты. Ошол эле маалда калаанын азия бөлүгүндө эки миңдей киши референдумдун жыйынтыктарына макул эместигин билдиришип, марш өткөрүштү.
Расмий маалыматтар боюнча өткөн жекшембиде Түркияда шайлоочулардын 51,3 пайызы президент Режеп Эрдогандын конституциялык реформасын колдогон.
Бул арада Түркияда чукул кырдаал режими дагы үч айга узартылганы кабарланды. Өлкөдө өзгөчө кырдаал 2016-жылы аскерий төңкөрүш аракетинен кийин киргизилип, улам узартылып келет.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ