Жалал-Абад шаарында Чернобыль апаатынын 31 жылдыгы “Жеңиш” эс алуу багында белгиленди. Бул иш-чарага Жалал-Абад шаарынын биринчи вице-мэри Турдалы Темирбаев баштаган шаар жетекчилери, апааттын катышуучулары жана алардын үй-бүлөлөрү катышышты. Апааттын кесепетинен курман болгондорго Куран окутулуп, бир мүнөт эскерүү жарыяланды. Бул туурасында Жалал-Абад шаардык мэриясынын басма сөз кызматы маалымдады.
Шаардын вице-мэри Турдалы Темирбаевдин айтымында, шаарда 1994-жылы 124 Чернобыль апаатына катышкандар болсо, бүгүнкү күндө алардын 24ү гана шаарыбызда жашайт. Жергиликтүү бийлик 2008-жылдан баштап апааттын кесепеттерин жоюуга катышкан ар бир кишиге 500 сомдон жардам көрсөтүү чечимин кабыл алган.
Шаар жетекчилери, коомчулук өкүлдөрү бул техногендик ири апаат тууралуу эскеришип, ага катышкан кыргызстандыктардын эрдикке тете аракеттерин жогору баалашты.Ошондой эле аларга жакшы каалоолорун билдиришти.
Эске сала кетсек, 1989-жылдын 26-апрелинде Чернобыль атомдук электр станциясынын 4-блогунда жарылуу болуп, ага Кыргызстандан 4 миң 800 адам барып катышкан.
КОММЕНТАРИЙ КАЛТЫРУУ