Германия канцлери Ангела Меркель менен Орусия президенти Владимир Путан Сочиде 2-майда жолугушуп, актуалдуу эл аралык маселелерди талкуулашты. Жолугушуудан кийинки маалымат жыйынында эки лидер тең Украина чыгышындагы чатакты жөнгөрүү боюнча Минск келишиминдеги милдеттерин аткаруу бардык тараптарга маанилүү экенин билдиришти. “Бүгүн биз чатакташкан тараптар Минск келишимин бекем сакташы зарылдыгын дагы бир жолу бышыктадык” деди Путин. Ал эми Меркель Москва менен Берлин “чатактын себептери боюнча ар башка ойдо” экенин айтат. Ал чек арасында, анын ичинде жикчилдер менен Орусия ээлик кылып турган аймактарында көзөмөлдү толук орнотуу Киевге өтө маанилүү экенин белгилейт. Эки лидер Сириядагы алты жылга созулган жарандык согушту да талкуулашты. Путин чатакты басууда эффективдүү чечим табыш үчүн АКШнын көмөгүнө ишенип турганын билдирди. Меркель Орусиянын өзүндөгү коррупцияга каршы митангде кармалгандар, Чеченстанда кумсалар куугунтукталууда деген маалыматтар боюнча да сүйлөшкөндөрүн кошумчалады. Мындан тышкары лидерлер 7-8-июлда Гамбургда өтүүчү “Чоң жыйырманын” саммитине даярдыкты да талкуулашкан.
Булак: “ПолитКлиника”
КОММЕНТАРИЙ КАЛТЫРУУ