АКШнын Детройт шаарындагы ооруканалардын биринде дарыгер болуп иштеген Джумана Нагарвалага кыздарды сүннөткө олтургузуп жүргөн деген айып тагылды. Прокуратуранын маалыматы боюнча, дарыгер 6-12 жаш аралыгындагы кыздардын жыныс мүчөсүнө атайын операция жасап келген. Эгер Наваргаланын бул аракети далилденсе, анда ал өмүр бою эркинен ажыралатылат. АКШ кыздарды сүннөткө олтургузууга 1996-жылы мыйзамдуу түрдө тыюу салган. Мындай окуя биринчи жолу 2006-жылы катталган. Эфиопиядан келген иммигрант өзүнүн эки жаштагы кызын сүннөткө отургузганы үчүн 10 жылга соттолгон. 2012-жылы АКШнын бийлиги өлкөдө жалпы саны 500 миңге чукул аялдар менен кыздар ушундай жагдайга туш болгондугу тууралуу статистиканы жарыялаган. БУУнун маалыматына караганда, мындай көрүнүштөр Египет, Эфиопия, Индонезияда кеңири тараган.
Булак: “Де-Факто”
КОММЕНТАРИЙ КАЛТЫРУУ