Аймактардан келген транспорттор үчүн Ашхабаддын чет жакасында атайын унаа токтотуу жайлары курула баштады. Алар өлкө борборунан 15 чакырым алыстыкта, Гаверс районунда жайгашат.
Үч миң машинага ылайыкташтырылган унаа токтотуу жайларын куруу иштерин ушул жылдын июнунда аяктоо пландалууда.
Маалыматтарга караганда, мындай чара Азия оюндарын өткөрүүгө байланыштуу аймактардан келген автоунааларды борборго киргизбөө тууралуу мамлекет башчынын буйругунун негизинде көрүлүүдө.
Түркмөнстан бийлиги атайын унаа токтотуу жайларынын курулуп жаткандыгы жана аймактардан келген унаалардын борборго кирүүсүнө чектөө киргизилгендиги тууралуу эч кандай түшүндүрмө берген жок.
«Азаттыктын» түркмөн кызматынын маалыматына караганда, курулуш иштери Азия оюндарына расмий даярдык көрүү иш-чараларынын алкагында жүзөгө ашырылууда.
Ашхабадда Азия оюндары ушул жылы 17-сентябрдан 27-сентябрга чейин өтөт.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ