Өзбекстандын премьер-министри Абдулла Арипов 16-майда өткөн селектордук жыйында эттин баасын төмөндөтүп, малды тоют менен камсыз кылууну тапшырды.
Буга чейин өлкөдө этке болгон баа жогорулаганы кабарланган. 18-майда Фергана шаарында уй этинин килограммы 28 миң сумдан (1 доллар — болжол менен 8 миң сумга барабар), койдуку 31 миң сумдан сатылууда. Эки жума мурда уй эти 3 миң, ал эми кой эти 2 миң сумга арзан болчу.
Өлкөнүн атаандаштыкты өнүктүрүү боюнча мамлекеттик комитетинин кызматкери баалардын жогорулашын өткөн жылкы тоюттардын түгөнгөндүгү менен байланыштырган. Фуркат районунда жашаган фермерлердин бири абалга жакшы жайыттардын жоктугу таасир этип жатат деп эсептейт.
«Акимдер сапаттуу тоют маселесине көңүл бурбай калышты. Эң жакшы жерлер пахта жана буудай өстүрүүгө бөлүнүп кетти. Малга болсо сапатсыз жерлер берилди. Мисалы, жакшы оттоп келген уй күнүнө 10 литрден сүт берсе, биздики болгону 2 гана литрден берүүдө. Өзүңөр жыйынтык чыгаргыла», – деди ал.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ