2017-жылдын 18-май күнү Ысык-Көл шаардык ички иштер бөлүмүнүн кызматкерлери тарабынан алдын ала түшкөн маалыматтын негизинде, Чолпон-Ата шаарынын 70 жаштагы П.В. аттуу тургуну, Ысык-Көл районунун Кара-Ой айылынын “Солнечный берег” эс алуу жайынын жанынан өздүк кароодо колунда целлофан пакетке салынган салмагы 875 гр. түзгөн марихуана баңгизаты менен кармалган. Бул туурасында ИИМдин Басма сөз кызматы билдирет.
Чогултулган материалдар Ысык-Көл ШИИБнин өткөрүлүп, Кыргыз Республикасынын кылмыш жаза кодексинин 246- беренесинин (Башкага берүү максатын көздөбөстөн баңги каражаттарын же психотроптук заттарды мыйзамсыз даярдоо, сатып алуу, сактоо, ташуу же жөнөтүү) негизинде кылмыш иши козголгон. Азыркы убакта бул кылмышка тиешеси болгон башка кишилерди аныктоо боюнча тергөө жана ыкчам иш-аракеттери жүргүзүлүүдө. Кармалган адам мурда да сот жообуна тартылган.
КОММЕНТАРИЙ КАЛТЫРУУ