2017-жылдын 18-май күнү Каракол ШИИБнүн нөөмөт кызматына Каракол – Пристань шаарчасынын көчөлөрүнүн биринде белгисиз азия улутундагы, болжол менен 35-40 жаштагы адамдын өлүгү табылгандыгы жөнүндө кабар түшөт, деп маалымдайт Ысык-Көл ОИИБнин Басма сөз кызматы.
Окуя болгон жерге келишкен тергөө-ыкчам тобунун кызматкерлери сырткы кароо жүргүзгөндө өлгөн адамдын кекиртек тушунда учту нерсе менен кесилген жаракатты байкалат. Жүргүзүлгөн ыкчам-иликтөө иштеринин натыйжасында өлгөн адамдын өздүгү аныкталат. Ал ушул эле шаарчасынын 38 жаштагы тургуну болуп чыгат.
Аталган факты боюнча Кыргыз Республикасынын кылмыш жаза кодексинин 97-беренеси (Адамды өлтүрүү) боюнча кылмыш иши козголот. Жакында Ысык-Көл ОИИБнын жана Каракол ШИИБнүн кылмыш иликтөө бөлүмүнүн кызматкерлери тарабынан «Бандит» жана «Нелегал» операцияларынын алкагында жүргүзүлгөн ыкчам-иликтөө иштеринин натыйжасында кылмышка шектүү адам кармалды. Ал Каракол шаарынын 58-жаштагы тургуну, мурда баңгизатын мыйзамсыз сактагандыгы үчүн соттолгон И.Б. болуп чыккан. Кармалган адам күнөөсүн толугу менен мойнуна алып, азыркы учурда тергөө амалдары жүрүп жатат.
Кылмышка шектүү катары кармалган адам Каракол ШИИБнүн убактылуу кармоочу жайга киргизилди.
КОММЕНТАРИЙ КАЛТЫРУУ