Федералдык иликтөөлөр бюросу (ФБР) АКШ президенти Дональд Трамптын күйөө баласы Жаред Кушнердин Орусия менен байланышын териштирет. Бул тууралуу 25-майда жергиликтүү маалымат каражаттары билдиришти.
Washington Post жана NBC News басылмалары өз булактарына шилтеме кылып билдиришкендей, Кушнер өткөн жылы декабрда Орусиянын элчиси Сергей Кисляк жана орусиялык Внешэкономбанктын башчысы Сергей Горьков менен болгон жолугушууларынан кийин тергөөнүн көңүлүн бурган.
Бирок ММКлар белгилешкендей, бул — тергөөчүлөр Жаред Кушнерди кылмыш кылууга шектүү катары карап же кайсыл бир иш боюнча айыптайт дегенди түшүндүрбөйт.
Кушнердин адвокаты Жеми Горелик анын кардары тергөө менен кызматташа турганын билдирди. «Буга чейин Кушнер мырза бул жолугушуулар боюнча билген бардык маалыматтарды конгресске билдирүүгө даяр экенин айткан. Ага башка кайсыл гана тергөө иштеринин алкагында кайрылышпасын тергөө менен кызматташат»,- деди Горелик.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ