Тажикстан президенти Эмомали Рахмондун кайниси Амирулло Асадулло “башка ишке өткөндүгүнө байланыштуу” Курган-Төбө шаарынын мэри кызматынан бошотулду.
Маалыматтарга караганда, Шахритус районунун төрагасы Абдуалим Исмоилзода Курган-Төбө шаардык администрациясынын убактылуу милдетин аткаруучу болуп дайындалды.
Амирулло Асадуллону мэрлик кызматтан бошотуу тууралуу президенттин жарлыгы расмий сайтка жарыялана элек. Ошол эле маалда Тажикстан мамлекет башчысынын кайниси мындан ары эмне иш менен алектенери дагы белгисиз.
Амируллои Асадулло Тажикстан президенти Эмомали Рахмондун жубайы Азизамо Рахмонованын иниси. Ал Курган-Төбө шаарынын администрация башчысы болуп 2014-жылы февралда дайындалган. Буга чейин ал Жалолиддин Балхи районунун администрация башчысы жана «Рушди Хатлон» корпорациясынын жетекчиси болгон.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ