Өзбекстанда экстремисттик материалдарды алып жүргөн деген айып менен 37 жаштагы казак жараны Виталий Ненченко кармалды. Ал бул айыптоолор боюнча кеминде 5 жылга эркинен ажыратылышы мүмкүн.
КТК телеканалынын маалыматына караганда, Ненченко майдын аягында үй-бүлөсү менен Ташкент, Самарканд жана Бухара шаарларына саякаттоо жана жубайы Тамила Бекшеневанын коңшу өлкөдөгү туугандарына жолугуу үчүн Өзбекстанга барган. Бирок чек арадан анын телефонунан шектүү видеолор табылып, ал камакка алынган.
Чек арачылар тасмалардын экстремисттик мүнөздө экенин айтышып, Ненченкону бир жумадан ашык камакта кармашкан. Кийин окуяны териштирүү үчүн анын телефонун алып калып, өзүн кое беришкен. Бирок бир нече күндөн кийин казак жаранын кайрадан «маектешүүгө» чакырышкан.
«Биз териштирүүнүн жыйынтыгын күтүп саякаттап жүргөнбүз. Анан бизге айып пул төлөп койсоңор бүтөт деп айтышты. Биз ага ишенип алганбыз. Бирок 28-майда аны прокурор менен сүйлөшүүгө деп чакырып кетишти. Ал ошол жактан мага телефон чалып, «адвокат таап, мага кел» деди», – деп билдирди Тамила Бекшенева.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ