Мародерлукка айыпталып жаткан Жогорку Кеңештин мурдакы депутаты Райкан Төлөгөнов оорууканага жаткарылды. Бул тууралуу массалык маалымат каражаттарына анын баласы билдирди.
Анын айтымында мурдакы депутаттын абалы начарлап, даарыгерлердин текшерүүсүнөн кийин шишик табылган. Ал № 47-колонияга убактылуу которулган.
Бирок, аны кечээ кайра УКМКнын абагына алып кетишкен.
Эскерте кетсек, “Ата-Мекен” фракциясынын экс-депутаты Райкан Төлөгөнов 2010-жылдын апрелиндеги мародерчулук фактысы боюнча камакка алынган. Ага карата Кылмыш жана жаза кодексинин 167-беренеси ” талап-тоноону уюштуруу” жана 241- беренеси ” ок атуучу куралдарды, ок-дарыларды, жарылуучу заттарды жана жардыргыч түзүлүштөрдү мыйзамсыз алуу, берүү, өткөрүү, сактоо, ташуу же алып жүрүү” боюнча иш козголгон.
Булак:Каганат
КОММЕНТАРИЙ КАЛТЫРУУ