Назик Сагынбекова өлкөнүн эң сулуу жубайы аталып, «Миссис Кыргызстан 2017» титулун жеңип алды.
Биринчи вице-миссис титулу болсо Жылдыз Мажитовага, ал эми экинчи вице-миссис Махинур Розиева аттуу айымга тийди.
«Миссис Кыргызстан 2017» сынагы 10-июлда Бишкектин ресторандарынын биринде өттү. Бул сынакка жалпысынан 12 айым катышты.
Эми 25 жаштагы Н.Сагынбекова кийинки жылы өтө турган эл аралык Mrs. Universe 2018 сынагына Кыргызстандын атынан катышат. Бул туурасында сынактын уюштуруучусу Рыскуль Намазбекова билдирди.
51 жаштагы Ж. Мажитова бул жылы Сингапурдагы эл аралык Mrs. Worldwide International 2017 сынагына катышат, ал эми 40 жаштагы Махинур Розиева болсо Европада өтө турган эл аралык Mrs. Top Of The World сынагына катышат.
akipress.org сайтынан кыргызчаланды
КОММЕНТАРИЙ КАЛТЫРУУ