Тажикстандын укук коргоо органдары 27 жаштагы жердешин өлтүрүүгө шектелген Хорогдун тургуну Косим Абдурасуловду кармашты. Ага карата “киши өлтүрүү” жана “мыйзамсыз курал сактоо” беренелери менен кылмыш иши козголду.
Шектүү 16-июлда Жогорку Хорог маалесинде Алиназар Камбаров менен чыралаш кетип, аны пистолет менен атып таштаган. Ал ошол жерде жан берген, кылмышкер качып кетип, издөөгө алынган.
Маалыматтарга караганда, кармоо учурунда шектүү каршылык көрсөткөн эмес.
Жергиликтүү тургундардын ырасташынча, окуя ханзаада Ага-Хандын 60 жылдыгына арналган салтанатты түз эфирде көрсөтүү маалда болгон. Маркум өз каалоосу менен иш-чарага кол кабыш кылып, келген меймандарды жайгаштыруу менен алектенген.
Алиназар Косимден башка орунга отурууну сураган. Бирок ал баш тартып, экөөнүн ортосунда чыр чыккан. Косим Абдурасулов ызаланып, кечинде пистолетин алып келип Алиназардын үйүндө ага ок чыгарган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ